Kryeprokurori i Shtetit, Aleksandër Lumezi, ka pritur në takim Ambasadoren e Mbretërisë së Holandës në Kosovë, Carin Lobbezoo.

Diskutimi i çështjeve me interes të përbashkët si dhe shkëmbimi i pikëpamjeve mbi luftën kundër korrupsionit, krimit të organizuar dhe nevojës për konfiskimin e pasurisë, ishin pjesë thelbësore e diskutimit ndërmjet Kryeprokurorit Lumezi dhe Ambasadores Lobbezoo, shkruan arbresh.info.

Për me tepër, të dyja palët vlerësuan se konsolidimi i institucioneve gjyqësore, përfshirë një shërbim efikas të prokurorisë janë baza për një sundim të fortë të ligjit duke iu dhënë besim qytetarëve në institucionet e drejtësisë.

Kryeprokurori i Shtetit ka njoftuar Ambasadoren e Mbretërisë së Holandës edhe me funksionimin dhe punën e Prokurorit të Shtetit, veçanërisht gjatë ballafaqimit me pandeminë COVID-19.

Në anën tjetër, Ambasadorja e Mbretërisë së Holandës në Kosovë, Carin Lobbezoo, ka përgëzuar Kryeprokurorin e Shtetit për punën si dhe ka potencuar faktin se

Holanda do të mbetet një partner i përkushtuar për forcimin e sundimit të ligjit në Kosovë.

Në fund, Kryeprokurori i Shtetit, Aleksandër Lumezi, ka vlerësuar lartë ndihmën dhe mbështetjen e vazhdueshme të Mbretërisë së Holandës dhënë për sistemin prokurorial./arbresh.info/