Lirohen disa parkingje ilegale në Prishtinë, Rama: Çdo hapësirë e uzurpuar po lirohet, qytetari është prioritet i yni

08:24 | 4 Korrik 2025
Q L

Kryetari i Komunës së Prishtinës, Përparim Rama ka bërë të ditur se janë liruar disa parkingje private të cilat deri më sot kanë funksionuar ilegalisht.

Rama përmes një postimi në rrjetin social në Facebook ka shkruar se çdo hapësirë e uzurpuar është duke u liruar në mënyrë që qytetarët të kenë qasje të lirë dhe të shfrytëzojnë të drejtën e tyre.

“Po ua kthejmë qytetarëve hapësirat publike. Çdo hapësirë e uzurpuar po lirohet në mënyrë që qytetarët të kenë qasje të lirë dhe të shfrytëzojnë të drejtën e tyre në qytetin e tyre. Sot kemi ndërmarrë veprime konkrete duke mbyllur disa parkingje ilegale që për vite me radhë kanë bllokuar lëvizjen e lirë në kryeqytet. Qytetari është prioritet i yni”, ka shkruar Rama.