Limaj thërret në takim përfaqësuesit e SBASHK-ut

09:54 | 14 Janar 2019
M. A.

Në ditën e parë të fillimit të procesit mësimor, ka filluar greva në shkollat fillore në gjithë Kosovën.

Arsyeja e kësaj greve është mosarritja e marrëveshjes për ndryshimin e koeficientit për paga të mësimdhënësve.

Për këtë gjë, zëvendëskryeministri i Kosovës, Fatmir Limaj i ka thirrur në takim përfaqësuesit e SBASHK-ut për të diskutuar rreth kësaj çështje por këta të fundit nuk kanë pranuar të flasin.

Sipas burimeve të portalit Arbresh.info mësimdhënësit kanë kërkuar që të mbahet mbledhje urgjente e Qeverisë së Kosovës në orën 12 dhe të votohet 30 për qind e kërkesave të tyre.

Ndryshe MASHT-i ka kërkuar nga mësimdhënësit dhe sindikalistët që të mos hyjnë në grevë por të arrijnë një marrëveshje, në mënyrë që të mos i lënë nxënësit pa mësim./arbresh.info