Limaj: Beteja e Koshares, kulmoi me thyerjen e kufirit i cili dhunshëm ishte vendosur mes shqiptarëve

16:50 | 9 Prill 2023
E.H

Kryetari i Nismës Socialdemokratie, Fatmir Limaj, e ka kujtuar betejën e Koshares në 24 vjetorin e saj.

Përmes një postimi në rrjetin social Facebook, Limaj ka thënë se në Koshare u zhvillua njëra prej betejave më të lavdishmet të Ushtrisë Çlirimtare të Kosovës, e cila kulmoi me thyerjen e kufirit i cili dhunshëm ishte vendosur mes shqiptarëve.

“Populli ynë sot e kujton me nder e krenari këtë betejë në Koshare, ku ushtarët tanë, të rreshtuar në Brigadën 138 “Agim Ramadani”, i dhanë goditjen finale forcave okupuese serbe në Kosovë. Ne, sot e gjithmonë, me respekt e nderim do të kujtojmë burrat, gratë dhe të gjithë ata që tashmë nuk janë në mesin tonë. Lavdi e përulje për të gjithë ata që ranë për lirinë e Kosovës”, ka shkruar Limaj./Arbresh.info/