Këshilltari i Presidentit të SHBA’së për Siguri Kombëtare, Robert O’Brien, përmes një shkrimi në postimi në llogarinë e tij në Twitter, ka treguar se delegacionet e Kosovës dhe Serbisë, kanë zhvilluar takim në Këshillin e Sigurisë Kombëtare (NSC). Mirëpo, delegacionet e kryeministrit kosovar Avdullah Hoti dhe presidentit serb Aleksandër Vuçiq, kanë kaluar tashmë në Shtëpinë e Bardhë.

Gazeta Express merr vesh nga burimet e veta se delegacionet Kosovës dhe Serbisë aktualisht janë duke zhvilluar takime në Shtëpinë e Bardhë. Kujtojmë se Këshilli i Sigurisë Kombëtare është gjithashtu pjesë e Shtëpisë së Bardhë, mirëpo delegacionet tash kanë lëvizur në ‘territorin’ e presidentit.

E a është kjo sinjal se delegacionet e Kosovës dhe Serbisë do të takohen edhe me presidentin e Shteteve të Bashkuara të Amerikës, Donlad Trump, apo është nënshkruar marrëveshja shumë shpejt, ende nuk dihet.

Kryeministri Hoti planifikonte t’iu drejtohej mediave pasi të arrihet marrëveshja. Plani ishte që mediave t’iu adresohej në ora 21, megjithatë duket se lëvizjet brenda Shtëpisë së Bardhë e kanë vonuar edhe arritjen e marrëveshjes.

Shtyhet konferenca e Hotit, takimi në Washington po vazhdon jashtë parashikimeve fillestare