Një person ka mbetur i lënduar rëndë si pasoj e një vet-aksidenti në trafik në rrugën Carralevë-Duhël në Prizren.

Lajmin për Arbresh.info e ka konfirmuar zëdhënësi i Policisë së Kosovës për rajonin e Prizrenit, Shaqir Bytyqi.

Bytyqi potencoi se në aksident është përfshirë një kamion i madh dhe rruga mbetet e bllokuar derisa të largohet kamioni.

“Të nderuar, ju informojmë se sot me datë 27.03.2024, rreth orës 07:20 është raportuar një vetaksident trafiku në rrugën Carralevë- Duhël. Si pasoj e aksidentit ka dëme materiale dhe shoferi ka pësuar lëndime e është në drejtim të emergjencës. Policia janë në vendngjarje dhe janë duke u marr me rastin. Me rëndësi është të informohen qytetarët se në vetë aksident është i përfshirë një kamion i madh kështu që rruga është e bllokuar derisa të mund të largohet kamioni”, ka thënë Bytyqi./Arbresh.info