Lëndohet rëndë 20-vjeçari në Gjakovë pas shpërthimit në shtëpinë e tij

11:26 | 6 Shkurt 2025
E.G

Një 20-vjeçar ka mbetur i lënduar rëndë si pasojë e një aksidenti të shpërthimit të mjetit shpërthyes në fshatin Dobrigje të Gjakovës.

Zëdhënësi i policisë për rajonin e Gjakovës, Sheremet Elezaj ka thënë për Arbresh.info se rasti ka ndodhur pas mesnatës.

“Sot, rreth orës 01:20, një mashkull rreth 20 vjeç është dërguar për trajtim mjekësor si pasojë e lëndimeve të rënda të shkaktuara nga një mjet shpërthyes. Menjëherë në vendngjarje kanë dalë të gjitha njësitë relevante policore, dhe sipas hetimeve fillestare, dyshohet se viktima, aksidentalisht ka shkaktuar shpërthimin e mjetit në shtëpinë e tij, në fshatin Dobrigje-Gjakovë”, konfirmon Elezaj.

Për rastin është njoftuar prokurori i shtetit, në konsultim me të cilin është iniciuar rast “shkaktim i rrezikut të përgjithshëm”./Arbresh.info/