Lëvizja Vetëvendosje dhe LDK-ja kanë mbledhur nënshkrimet për të nisur një komision hetimor lidhur me emërimet e shërbyesve civilë në Administratën Shtetërore.

Sipas Dardan Sejdiut, deputet i VV-së, kjo gjë po bëhet për të parë nëse është përmirësuar kapaciteti profesional i institucioneve publike me emërimet në pozita të larta në shërbimin civil.

Lexoni më poshtë komentin e tij:

“Sot së bashku me deputetën Mimoza Kusari – Lila i mblodhëm nënshkrimet për formimin e komisionit hetimor në lidhje me emërimet e shërbyesve të lartë civilë në Administratën Shtetërore të Republikës së Kosovës.

Qëllimi i kësaj iniciative për të hetuar është i thjeshtë, duam të shohim se a është përmirsuar kapaciteti profesional i institucioneve publike nga emërimet për pozitat e larta në shërbimin civil, dhe se a janë zbatuar procedurat e parapara me legjislacioni në fuqi për listën e miratuar të pozitave sipas memorandumit për të cilin janë pajtuar Qeveria e Republikës së Kosovës dhe Amabasada e Britanisë së Madhe!

Përfundimisht, duhet shpërfaqur që mangësitë e mëdha në këto emërime dhe mungesa e vullnetit për reformë në administratën publike sic edhe vlerësohet nga BE-ja mund ti kushtojë Kosovës humbjen e ndihmës direkte buxhetore në shumë prej EUR 75 milion shtetit tonë!”.