Largohen pankartat e opozitës nga sheshi

16:49 | 15 Shkurt 2016
M. A.

Pankartat e partive opozitare tash e sa ditë të vendosura në sheshin kryesor të Prishtinës, “Nënë Tereza”, sot janë hequr.

Pankartat janë hequr vet aktivistët e Lëvizjes Vetëvendosje. Këtë e ka konfirmuar për lajmi.net, Tinka Kurti, nga zyra për informim.

“Po i kemi hequr ne sot, pasi disa janë dëmtuar nga fryma e madhe. Nuk e di nëse kemi kohë që të bëjmë pankarta të reja dhe t’i vendosim prapë”, ka thënë Kurti

Dje Komisioni për Organizimin e 8 vjetorit të Pavarësisë së Kosovës, ka reaguar përmes një komunikate për media, ku i ka kërkuar Komunës së Prishtinës që të heq këto materiale propagandistike, të cilat bëjnë thirrje për pjesëmarrje në protestën e 17 shkurtit, duke thënë se Komuna duhet të vendos simbolet shtetërore nëpër qytet.