Largohen aktivistë të pakënaqur nga Lëvizja Vetëvendosje

14:38 | 25 Janar 2018
Arbresh.info

Koordinatorja e Qendrave të Lëvizjes Vetëvendosje Teuta Rrusta përmes një konference për media së bashku me Nol Nushin kanë bërë të ditur largimin e një grupi të aktivistëve nga lëvizja.

Nol Nushi ka thënë se kjo çka ndodh ishte e kundërta e asaj çka kanë mësuar në Lëvizjen Vetëvendosje, raporton arbresh.info

Ai tha se në vend të bashkimit në ide Vetëvendosja është bashkuar në emrin e një individi.

“Kjo çka ndodhi ishte e kundërta e asaj çka kemi mësuar ndër vite. Çdo person që del nga Lëvizja është humbje . E sot janë aktivistë që kanë kontribut të madh në Lëvizje. Shpërfillja e arroganca që tregoi ndaj këtyre Albini tregoi se ai nuk brengosej më për organizatën si tërësi por vetëm për veten e tij.

Ne sot largohemi nga Lëvizja me krenari. Në vend të bashkimit në ide jemi bashkuar në emrin e një individi”, ka thënë Nushi./Arbresh.info/