Nazim Bllaca nuk ka vdekur lajmin për arbresh.info e ka konfirmuar vëllai i tij Liman Bllaca, raporton arbresh.info.

Liman Bllaca për arbresh.info tha se vëllai i tij, Nazimi nuk ka vdek dhe se ai është mirë.

“Nazimi gjallë është, mirë është, ajo çka ka thënë avokati i Veselit rren është, nuk kam çka me thanë më shumë mjafton me ditë që vëllaun  e kam gjallë”, është shprehur për arbresh.info Bllaca.

Lajmin për vdekjen e tij e dha avokati i Kadri Veselit, Ben Emmerson, i cili gjatë konferencës së sotme  në Gjykatën Speciale për ecurinë e çështjes për ish-krerët e UÇK-së deklaroi se Nazim Bllaca ka vdekur.

“Prokuroria vazhdon të mbështetet tek një dëshmitar, Nazim Bllaca, i cili ka vdekur. Kishte informata që ka qenë aset serb, i paguar nga Serbia”, deklaroi Emmerson, të paktën sipas përkthimit zyrtar të Dhomave të Specializuara të Kosovës.

Nazim Bllaca u bë shumë i njohur në vitin 2009, pasi deklaroi publikisht se kreu vrasje në emër të Shërbimit Informativ të Kosovës (SHIK)./arbresh.info/

LAJMI I FUNDIT| “Nazim Bllaca ka vdekur”