Qeveria e Republikës së Kosovës ka miratuar masat e reja anti-COVID.

Kryeministri i Kosovës, Albin Kurti mbajti konferencë  për media bashkë me ministrin e Shëndetësisë, Rifat Latifi.

Kurti dhe Latifi folën rreth masave të reja, të cilat hyjnë në fuqi nga e shtuna,shkruan arbresh.info

Kryeministri Albin Kurti tha se efekti i masave kufizuese mund të vërehet një javë pas vënies së masave.

Kurti tha se deri tani mbi 40,000 doza të vaksinës janë dhënë.

“Kosova po arrin të kalojë valën e variantit Omicron dukshëm më lehtë se vende tjera të rajonit e botës. Aktualisht është 33 për qind më i vogël sesa piku””, u shpreh Kurti.

Kurti theksoi se sot në mbledhjen e Qeverisë janë përditësuar masat e reja, megjithatë, ka bërë thirrje të mos ketë shlirim të madh te qytetarët.

Orari i lëvizjes është propozuar të jetë deri në orën 00:00 deri në orën 05:00.

Gjithashtu është propozuar që të lejohet hyrja në Kosovë me dy vaksina.

Orari i punës së gastronomisë do të jetë deri në orën 23:00. Do të lejohet hapja e fitneseve.

Hiqet obligimi i mbajtjes së masave në ambiente të hapura, ndërsa mbetet obligative në të mbyllura./arbresh.info/