Një person ka mbetur i lënduar pas përfshirjes së një kamioni nga zjarri sot në rrugën “Dalmatët” në Prishtinë. 

Sipas Policisë, përvec kamiopnit, nga zjarri janë përfshirë edhe tri vetura që ishin afër kamionit në momentin e shpërthimit të zjarrit, raporton arbresh.info.

Lajmin për arbresh.info e ka konfirmuar zëdhënësi i Policisë së Kosovës për rajonin e Prishtinës Agron Borovci.

“Rreth orës 13:30, është raportuar se  në rrugën “Dalmatët” në Prishtinë , një kamion është përfshirë nga zjarri. Dyshohet që nga zjarri  ose tymi të jenë prekur edhe tri vetura përreth kamionit. Policia menjëherë ka dalë në vendin e ngjarjes, po ashtu janë ftuar edhe zjarrfikësit. Deri më tani raportohet për një person  të lënduar. Aktualisht  policia ka nisur ndërmarrjen e veprimeve hetimore për sqarimin e plotë të rrethanave që karakterizojnë ngjarjen”, thuhet në përgjigjejen e tij./arbresh.info/

LEXO EDHE

Digjet një kamion në Prishtinë, nuk dihet nëse ka të lënduar – Arbresh.info