Është ratifikuar në Kuvendin e Republikës së Kosovës Marrëveshja që ministrja e Ekonomisë Artane Rizvanolli ka nënshkruar me Korporatën Sfidat e Mijëvjeçarit (MCC) për çështjen e energjisë.

Të gjithë deputetët kanë votuar pro ratifikimit të marrëveshjes.

Prezantimin e kësaj marrëveshje e ka bërë zëvendëskryeministri Besnik Bislimi.

Bislimi ka thënë se kjo marrëveshje do ta ndihmojë Kosovën në pavarësinë e saj energjetike.

Kosova dhe Korporata e Sfidave të Mijëvjeçarit (MCC) kanë firmosur mbrëmë në Kongresin amerikan, Programin Kompakt të Kosovës, që pritet t’i sjellë vendit mbi 200 milionë dollarë investime në projekte në fushën e energjisë.

Krerët e shtetit e kanë quajtur këtë marrëveshje historike për Kosovën.

Programi Kompakt përbëhet prej dy projektesh dhe konsiderohet si investimi më i madh i Qeverisë amerikane në Kosovë.

Granti pesëvjeçar parasheh 202 milionë dollarë mjete direkte nga Qeveria amerikane, ndërsa pjesa tjetër e investimeve do të mbulohet nga Qeveria e Kosovës./arbresh.info/