Emisari i BE-së për dialogun Kosovë-Serbi, Miroslav Lajcak, ka njoftuar se sot ka biseduar me kryetaren e Kuvendit, Vjosa Osmanin, nënkryetarin e LDK-së, Lutfi Hazirin dhe kreun e NISMA-s, Fatmir Limajn, për çështjen e dialogut Kosovë-Serbi.

Lajçak ka thënë se bisedat e tij me tre politikanët kosovarë kanë qenë rreth përgatitjeve për rifillimin e dialogut Prishtinë-Beograd dhe situatës në Kosovë.

“Po vazhdoj afrimin tim me rajonin. Kam folur me Vjosa Osmanin, Lutfi Hazirin e Fatmir Limajn sot. Patëm biseda konstruktive rreth përgatitjeve për vazhdimin e dialogut dhe sitautës në Kosovë”, ka potencuar Lajçak.

Ai ka thënë se mezi pret të punojë bashkë në mënyrë që të përfitojnë të gjithë njerëzit në Ballkanin Perëndimor.

https://twitter.com/MiroslavLajcak/status/1250783526703808514?ref_src=twsrc%5Etfw%7Ctwcamp%5Etweetembed%7Ctwterm%5E1250783526703808514&ref_url=https%3A%2F%2Fwww.gazetaexpress.com%2Flajcak-telefonon-vjosa-osmanin-hazirin-e-limajn-flasin-per-rinisjen-e-dialogut-kosove-serbi%2F