Përfaqësuesi i Lartë i Bashkimit Evropian për dialogun, Miroslav Lajçak, ka shkruajtur pas takimit me presidentin e Serbisë, Aleksandër Vuçiq.

Me anë të një postimi në “X”, Lajçak thotë se gjatë këtij takimi është biseduar për hapat e mëtejshëm të nevojshëm për zbatimin e Marrëveshjes për Rrugën drejt normalizimit, shkruan Arbresh.info.

“Me presidentin Aleksandar Vuçiq dhe Petar Petkoviqin diskutova rrugën përpara në dialog dhe hapat e mëtejshëm të nevojshëm për zbatimin e Marrëveshjes për Rrugën drejt normalizimit”, shkroi emisari Lajçak.

Ndërkaq, presidenti serb, Aleksandër Vuçiq gjatë këtij takimi tha se Serbia është gjithmonë e gatshme për dialog dhe të respektojë gjithçka që ka nënshkruar dhe që është pajtuar.

Vizita e Lajçakut në Beograd dhe ajo e para disa ditëve në Prishtinë i paraprijnë takimit të së enjtes në mes dy kryenegociatorëve, Besnik Bislimi dhe Petar Petkoviq./Arbresh.info/

After my visit to Kosovo, I also travelled to Belgrade to prepare for this week’s meeting of Chief negotiators. With @predsednikrs and @PetkovicPetar I discussed the way forward in the Dialogue and necessary next steps to implement the Agreement on the Path to Normalisation. pic.twitter.com/yN3m3bg4dL

— Miroslav Lajčák (@MiroslavLajcak) November 14, 2023