Ministria e Shëndetësisë ka bërë të ditur se gjatë 24 orëve të fundit në Kosovë nuk është regjistruar asnjë i vdekur nga COVID-19.

Në njoftim bëhet e ditur se gjatë kësaj kohe janë regjistruar 10 raste të reja pozitive me koronavirus.

Aktualisht në vendin tonë janë 431 raste aktive me COVID-19.

Njoftimi i plotë nga MSH:

01 Maj 2022: Ministria e Shëndetësisë, sipas të dhënave nga Instituti Kombëtar i Shëndetësisë Publike të Kosovës, informon:

Në 24 orët e fundit janë dhënë 64 doza të vaksinës kundër COVID-19.

Prej fillimit të vaksinimit në të gjitha qytetet e Kosovës janë dhënë 1.826.221 doza të vaksinës.

Deri më sot 822.041 qytetarë janë vaksinuar me dozën e dytë.

Deri më sot janë dhënë 101.605 doza përforcuese dhe doza të treta të vaksinës kundër COVID-19.

Nga 806 testime, 10 qytetarë kanë rezultuar pozitiv me virusin COVID-19.

Gjatë 24 orëve të fundit, nuk është shënuar asnjë rast i vdekjes.

Sot janë shëruar 19 qytetarë, derisa numri i përgjithshëm i të shëruarve është 224.514.

Në total numri i rasteve aktive është 431./arbresh.info/