Jo shumë larg nga kryeqendra, ku liderët institucionalë po zotohen për përmirësim të kushteve të komunitetit rom, Fekrije Danqi jeton në kushte të mjerueshme.

Për të zonjën e shtëpisë që ka 8 anëtarë të familjes me një fëmijë 5-vjeçar të sëmurë rëndë, ekzistenca me punën që bëjnë dy djemtë e saj të mitur është shumë e vështirë, raporton KTV.

Danqi ka treguar se jetojnë me shpresën për tu ndihmuar sado pak nga njerëzit e vullnetit të mirë, pasi nga institucionet e shtetit ku jetojnë nuk janë ndihmuar asnjëherë. Ndërkaq, gjendjen pak më të mirë e kanë ata të cilët zotërojnë ndonjë zanat.

E gjithë loja dhe jeta e banorëve të këtij komuniteti në Fushë Kosovë zhvillohet afër deponive të mbeturinave, prej nga janë të rrezikuar të marrin infeksione të ndryshme./arbresh.info/