Ministrja e Industrisë, Ndërmarrësisë dhe Tregtisë, Mimoza Kusari-Lila sot ka pritur në takim  ambasadorin e Austrisë në Kosovë, Georg Schnetzer.

Në një postim në Facebook, ajo tha se në këtë takim kanë diskutuar për mundësitë e zhvillimit të mëtejmë të ekonomisë së vendit, bashkëpunimin bilateral me Republikën e Austrisë, si dhe trajtuam projektet e deritashme të mbështetura nga shteti austriak për Kosovën, shkruan Arbresh.info.

“Austria mbetet një ndër partnerët seriozë të Kosovës në shkëmbimet tona tregtare, prandaj edhe fushat e bashkëpunimit në sektorin privat janë të shumta.”, tha ajo.

“Tranzicioni i gjelbër dhe lëvizja drejt ekonomisë së qëndrueshme, mbi parime mjedisore, mbeten fokus dhe objektiv kyç i MINTI-t; andaj vazhdimin e bashkëpunimit me shtetin e Austrisë e shohim afatgjatë dhe të qëndrueshëm.”, u shpreh Kusari-Lila./Arbresh.info