Kurti pret mërgimtarët në objektin e Qeverisë: Mirë se vini në shtëpinë tuaj, jemi me fat që ju kemi

10:30 | 5 Gusht 2025
E.K

Kryeministri në detyrë i Kosovës, Albin Kurti, ka pritur mërgimtarët në ambientet e Qeverisë.

Gjatë fjalës së tij, Kurti theksoi rëndësinë e mërgatës për vendin, duke i cilësuar bashkatdhetarët si “mysafirë që na vizitojnë për t’u çmallur, por edhe si partnerë të zhvillimit dhe bashkëkrijues të së ardhmes së përbashkët”.

“Ne kemi gjithmonë nevojë për bashkatdhetarët tanë, mërgatën tonë, si mysafirë që na vizitojnë për t’u çmallur, e si partnerë të zhvillimit dhe bashkëkrijues të së ardhmes tonë. Nuk flasim më për “trurin që ikën”, por për zemrën që nuk harron: sepse ata që kanë ndërtuar jetë jashtë vendit, ruajnë mallin, mbajnë lidhjet dhe bartin përgjegjësinë ndaj atdheut tonë të përbashkët. Secili mund të jetë përkohësisht jashtë atdheut, por gjithsecili është përjetësisht brenda kombit”, tha ai./Arbresh.info