Tashmë ka përfunduar procesi i numërimit të votave nga zgjedhjet e 9 shkurtit.

Komisioni Qendor i Zgjedhjeve (KQZ) tashmë do të pres 48 orë para se të shpall rezultatet përfundimtare të zgjedhjeve për Kuvendin e Kosovës, shkruan Arbresh.info.

Pasi janë numëruar të gjitha votat, Albin Kurti ka 337.101 vota, 58,921 më pak se partia e tij, por ka kaluar numrin e votave që presidentja Vjosa Osmani kishte marrë në vitin 2021.

Osmani si kryetare e Listës Guxo, në koalicion me Lëvizjen Vetëvendosje, ishte personi më i votuar në Kosovë, kishte marrë 300.788 vota.

Sipas këtyre të dhënave, Kurti nga votimi me kusht ka marr 4,318 vota, nga votimi i personave me nevoja të veçanta ka marr 621 vota, nga votimi përmes postës 30,508, nga votimi në përfaqësitë diplomatike, Kurti ka marr 10,792./Arbresh.info/