Kryeministri në detyrë Albin Kurti ka folur për 1 mijë testet e ardhura nga Serbia ditë më parë.

Kurti në një konferencë për medie ka thënë se me refuzimin e testeve do të akuzohej Kosova, shkruan arbresh.info.

Ai ka shtuar se kjo ka mundur të jetë edhe kurth.

“Unë jam i bindur se sikur Kosova të refuzonte marrjen e testeve do të akuzohej për sjellje irracional dhe politizim të situatës e që nuk është e tillë. Kollaj ka mundur të jetë një lloj kurth që nuk ne nuk kemi rënë brenda”, ka thënë ai.

I pari i Qeverisë shtoi se Serbia nuk e ka rregulluar imazhin me këto teste, dhe Ministria do të vendos për përdorim të tyre.

“1 mijë testet janë një gjest i Serbisë që nuk do të duhej të politizohej Serbia nuk ka rregulluar imazh me këtë, ne e kemi dëshmuar se nuk bëjmë dallime te qytetarët sipas komunës,partisë, festë apo etnisë. Ministria e Shëndetësisë dhe IKSHPK do të vendosin për përdorim të testeve të blera apo të dhuruara”, ka shtuar ai./arbresh.info/