Kryeministri i Kosovës Albin Kurti në lidhje me tërheqjen e 30% e Trustit tha se pakoja e ringjalljes është zgjidhja për krizën jo tërheqja nga pleqëria individuale e punëtoreve të tanishëm, shkruan arbresh.info.

Tutje Kurti përmendi edhe dy ekspertë e njohur të Fondit Monetarë Ndërkombëtarë të cilët kanë dhënë vlerësimin e tyre se si një zgjidhje e tillë nuk është zgjidhje.

“Ne e kemi thënë edhe shumë më herët edhe kur ishim në opozitë në vitin 2020 edhe në vitin 2021 kur ishim  në Qeveri edhe tani me pakon e ringjalljes ekonomike ne e zbusim krizën e cila për shkak se ka edhe faktor më të mëdhenj se sa në vendin tonë nuk është e eleminueshme përnjëherë mirëpo nuk konsiderojmë që duke marrur nga pleqëria individuale e punëtorëve të tanishëm do të mund ta zgjidhim problemin e keni parë që edhe dy ekspertë të njohur të Fondit Monetarë Ndërkombëtarë e kanë dhënë vlerësimin e tyre se si një zgjidhje e tillë nuk është zgjidhje”, deklaroi Kurti.

Kujtojmë se Qeverisë së Kosovës i kanë mbetur edhe tre ditë afat për shqyrtimin e propozimit të Partisë Demokratike të Kosovës, në këtë rast kërkesën e kryesisë së Kuvendit të Kosovës për ndryshimet ligjore që iu mundësojnë qytetarëve tërheqjen e 30% te kursimeve pensionale./arbresh.info/

A duhet të tërhiqet 30% e Trustit, pavarësisht ndarjes së 100 eurove?