Kryeministri në detyrë i Republikës së Kosovës, Albin Kurti, ka reaguar pas lajmit të mirë që shteti i Bahamas ka njohur pavarësinë e Kosovës.

Duke rikujtuar se kjo është njohja e katërt për këtë vit dhe duke falënderuar presidenten Osmani për këtë arritje, Kurti ka thënë se mezi presin të forcojnë lidhjet dypalëshe.

“Jemi të emocionuar të ndajmë me ju lajmin se Komonuelthi i Bahamas ka njohur zyrtarisht Republikën e Kosovës sot. Kjo shënon njohjen e katërt vetëm këtë vit. Ne mezi presim të forcojmë lidhjet tona dypalëshe dhe të nxisim bashkëpunim të fortë diplomatik, ekonomik dhe kulturor. Dëshirojmë të falënderojmë presidenten Vjosa Osmani dhe të gjithë të përfshirët për këtë arritje” shkroi Kurti në “X”.

Bahamas është vendi i 121-të që e njeh pavarësinë e Republikës së Kosovës.

We are thrilled to share that the Commonwealth of the Bahamas has officially recognized the Republic of Kosova today. This marks the fourth recognition this year alone. We look forward to strengthening our bilateral ties and fostering strong diplomatic, economic, and cultural…

— Albin Kurti (@albinkurti) December 19, 2025