Kurti në Vatikan, Ambasadori Miftari i reagon: Kush u mor me organizimin, nëse jo misioni i Kosovës?

11:13 | 24 Nëntor 2025
Gita

Shef i Misionit të Posaçëm të Republikës së Kosovës në Selinë e Shenjtë në Vatikan, Vehbi Miftari ka komentuar vizitën e kryeministrit në detyrë Albin Kurti në Vatikan ku mori pjesë në , në një koncert të Korit të Operës së Kosovës në Bazilikën Santa Maria in Aracoeli.

Përmes një komenti në postimin e Kurtit në Facebook, Miftari e ka pyetur Kurtin se kush është marrë me organizimin e vizitës së tij, nëse jo Misioni i Kosovës në Vatikan.

“Kryeministër! Ishit në Vatikan? Po Misioni i Kosovës në Vatikan, a ishte aty, ashtu siç e kërkon praktika diplomatike dhe sjellja shtetërore? A e kishit vënë në dijeni? Kush u mor me organizimin, nëse jo misioni juaj në shtetin e Vatikanit?”, ka shkruar Miftari./21Media