Kryeministri i Kosovës, Albin Kurti ka marrë dozën e dytë të vaksinës Astra- Zeneca.

Ai është vaksinuar në sallën “1 Tetori në Prishtinë”, ka njoftuar MSh.

Kurti ishte vaksinuar në muajin mars, kur kishin arritur dozat e para të vaksinave. Ai ishte shprehur se këtë nuk po e bënë si privilegj por si siguri për të gjithë ata që hezitojnë ta bëjnë një gjë të tillë.

Njoftimi i plotë i MSH-së

Ka vazhduar edhe sot procesi i vaksinimit kundër COVID-19, në përputhje me të gjithë parametrat e cilësisë dhe sigurisë nga ekipet e trajnuara në të gjithë vendin.

Tashmë është kryer vaksinimi me dozën e dytë të vaksinës Astra-Zeneca për qytetarët të cilët e kanë marrë dozën e parë të vaksinës në Kukës.

Ndërsa sot ishte dita e parë e vaksinimit me dozën e dytë për qytetarët që janë vaksinuar në Kosovë.

Në sallën e sporteve “1 Tetori”, në Prishtinë, dozën e dytë të vaksinës Astra-Zeneca e mori edhe

Kryeministri i Republikës së Kosovës, Albin Kurti.

Mirënjohje për profesionistët mjekësor dhe stafin mbështetës për përpjekjet e vazhdueshme për t’u marrë me secilin aspekt kompleks të vaksinimit COVID-19./arbresh.info/