Kryeministri i Kosovës, Albin Kurti sot ka kujtuar zhdukjen e Ukshin Hotit.

Kryeministri Kurti ka shkruar se zhdukja e veprimtarit është krim i pazbardhur i Serbisë, shkruan Arbresh.info.

Sipas tij, zhdukja e Hotit gjatë luftës në Kosovë ishin pjesë e projektit serb “Patkoi” për shfarosjen e shqiptarëve.

Po ashtu kreu ekzekutiv ka thënë se për këtë rast dhe shumë raste të tjera të zhdukjes gjatë luftës së fundit të Kosovës dhe Serbisë, kjo e fundit ka hyrë në një marrëveshje ndërkombëtarë e cila e obligon që të jap çdo lloj informacioni , përfshirë ato të inteligjencës dhe ato ushtarake, për t’i dhënë përgjigje fatit të personave të zhdukur me forcë në luftën e fundit në Kosovë.

Tutje, Kurti ka thënë se qeveria e tij nuk do të ndalet deri në zbardhjen e këtyre rasteve për të zhdukurit gjatë luftës dhe të gjitha krimet e kryera nga Serbia./Arbresh.info/