Kurti: Kujtojmë të rënët por edhe të gjallët e masakrës së Rahovecit

14:11 | 19 Korrik 2021

Kryeministri, Albin Kurti, ka kujtuar të rënët por edhe të gjallët e masakrës së Rahovecit.

“Sot u bënë 23 vite nga ofensiva e forcave serbe në Rahovec e javës së 19 korrikut të vitit 1998. Për disa ditë me radhë u ekzekutuan, u morën peng e u zhdukën me dhunë shumë shqiptarë civilë në mënyrë arbitrare. Ushtria, policia dhe paramilitarët serbë vazhduan tutje duke masakruar fëmijë, gra e pleq të strehuar në Teqenë e Sheh Myhedinit”, shkruan Kurti në Facebook.

Sipas tij, atë ditë u vranë profesorë, morën peng civilë.

“E në fund hapën dy gropa të mëdha ku i varrosën një pjesë të shqiptarëve të vrarë gjatë kësaj ofensive. 150 persona kanë mbetur të vrarë, edhe 10 persona janë ende të pagjetur”, shkruan kryeministri Kurti./arbresh.info/

Shpërndaje në rrjete sociale

Lajmet më të lexuara