Kryeministri i Kosovës Albin Kurti ka folur për ditën ndërkombëtare të Lirisë së Shtypit, duke thënë se prezenca e një shtypi të lirë, e të pavarur mbetet një shtyllë e rëndësishme e demokracisë dhe vendit.

Kurti tha se Kosova për dy vjet ka përmirësuar pozicionin e saj për mjedisin gazetaresk me 22 vende më lart.

Po ashtu ai tha se një shtyp i lirë do të mbetet gjithmonë një shtyllë e rëndësishme e demokracisë dhe e vendit tonë.

“Në Ditën Botërore të Lirisë së Shtypit, ne jemi krenarë të njoftojmë se sipas Reporterëve pa Kufi, Kosova përmirësoi pozicionin e saj me 22 vende në 2 vjet për mjedisin e saj gazetaresk. Një shtyp i lirë dhe i pavarur do të mbetet gjithmonë një shtyllë e rëndësishme e demokracisë dhe e vendit tonë”, ka shkruar Kurti në Twitter.

Ndryshe 3 Maj njihet edhe si Dita Botërore e Lirisë së Shtypit./Arbresh.info/