Kryeministri i Kosovës, Albin Kurti është duke zhvilluar një takim me kryetarët e komunave.

Pas fjalës së kryeministrit Kurti, takimi është mbyllur për media për t’i lënë vend diskutimit të kryetarëve me qeveritarët.

Pjesë e këtij takimi janë ministri i Financave, Hekuran Murati, ministrja e Ekonomisë, Artane Rizvanolli dhe ministri i Administrimit dhe Pushtetit Lokal, Elbert Krasniqi.

Kryeministri Kurti, gjatë fjalës së tij, kërkoi nga kryetarët e komunave që të rrisin shërbimet ndaj qytetarëve.

“Për nivelin komunal ka një rritje të buxhetit prej 100 milionë eurove krahasuar me vitin paraprak. Kjo duhet të reflektojë edhe në rritjen e shërbimeve komunale karshi qytetarëve tanë, mirëqenies, shëndetësisë, sportit, rinisë e kulturës dhe zhvillimit socio-ekonomik”, tha Kurti.

Më tutje kryeministri Kurti ka thënë se Kosova ka filluar të çlirohet nga korrupsioni si dhe ta shtojë bashkëpunimin me organizatat ndërkombëtare./arbresh.info/