Kryeministri i Kosovës, Albin Kurti, ka konfirmuar se sot do të takohet me përfaqësuesin e posaçëm të Shteteve të Bashkuara për Ballkanin Perëndimor, Gabriel Escobar, dhe të dërguarin e posaçëm të Bashkimit Evropian për dialogun Kosovë-Serbi, Mirosllav Lajçak, shkruan arbresh.nfo.

“Unë me përfaqësuesin e posaçëm të Shteteve të Bashkuara për Ballkanin Perëndimor, Gabriel Escobar, do të takohem për herë të parë. Kam biseduar dy herë me të në telefon, por nuk jam takuar me të. Sot do të kem takim me të dhe përfaqësuesin e BE”, bëri të ditur Kurti, pas homazheve që ka bërë te shtatoret e heronjve Zahir Pajaziti, Hakif Zejnullahu, Edmond Hoxha dhe Ilir Konushevci.

Kryeministri Kurti është pyetur edhe në lidhje me temat e mundshme që pritet të diskutohen me Escobar dhe Lajçak

“Pas takimit është më e drejtë dhe më e mirë të japim qëndrimet tona”, deklaroi Kurti.

Escobar dhe Lajçak nisin sot vizitën pesëditore në Kosovë dhe Serbi./arbresh.info/