Kandidati i Lëvizjes Vetëvendosje për kryeministër, Albin Kurti ka bërë thirrje për të dalë për të votuar.

Ai tha se sa më e gjerë pjesëmarrja në zgjedhje aq më i madh legjitimiteti i institucioneve të ardhshme të vendit, shkruan Arbresh.info.

“Janë më pak se dy orë e gjysmë nga koha kur do të mbyllën vendvotimet. Sa më e gjerë pjesëmarrja në zgjedhje aq më i madh legjitimiteti i institucioneve të ardhshme të vendit. Sot është dita kur secili prej nesh mund të jemi përcaktues për katër vitet e ardhshme. Prandaj, dilni dhe votoni, ftoni të gjithë miqtë, familjarët të dalin e të votojnë dhe në këtë mënyrë të bëhen pjesë e demokracisë dhe vendimmarrës.”, ka shkruar Kurti.

“Dil dhe voto. Mos e le pa dalë. Mos e le për moment të fundit.”, u shpreh ai.

“Ju dua”, përfundoi Kurti./Arbresh.info