Kryeministri i Kosovës, Albin Kurti ka publikuar dëshmi se armët dhe pajisjet e tjera të përdorura në sulmin e 24 shtatorit ndaj Policisë së Kosovës kanë prejardhje nga Serbia.

Me anë të një postimi në X, Kurti ka zbuluar se armët janë prodhuar nga një kompani në pronësi të Serbisë, shkruan Arbresh.info.

Sipas tij, nuk është e mundur hyrja e këtij arsenali armësh në Kosovë pa përfshirjen e qeverisë serbe.

“Armët dhe pajisjet e tjera të përdorura në sulmet terroriste të kësaj jave janë bërë nga prodhuesit shtetërorë serbë të armëve ushtarake. Ideja se 26 SUV ushtarake dhe një arsenal i madh i prodhuar nga shteti serb hynë në Kosovë, të gjitha pa përfshirjen e qeverisë serbe, thjesht nuk është e besueshme”, ka thënë ai./Arbresh.info.

The weapons & other equipment used in this week’s terrorist attacks were made by Serbian state-owned military arms producers. The idea that 26 military SUVs & a vast Serbian state-produced arsenal entered Kosova, all without the Serbian govt’s involvement, is simply not credible. pic.twitter.com/TRt2lR4gkF

— Albin Kurti (@albinkurti) September 28, 2023