Sot kryetari i Komunës së Mitrovicës, Agim Bahtiri, i shoqëruar edhe nga nënkryetari Faruk Mujka, kanë mbajtur mbledhjen e parë të bordit të drejtorëve.

Me këtë rast kryetari Bahtiri, fillimisht i uroj drejtorët komunal për një fillim të mbarë të vitit duke ju afruar mbështetje dhe bashkëpunim të
ngushtë në mënyrë që rezultatet e punës të jenë sa më të kënaqshme.

Gjatë kësaj mbledhje kryetari Bahtiri ka kërkuar nga secili drejtor që detyrën e tij ta kryeje me nder e përkushtim, sepse ai është i zotuar për një qeverisje komunale me duar të pastëra dhe nuk do të lejojë keqpërdorim të pozitës zyrtare e të parasë së qytetarit.

Ndërsa nënkryetari Mujka, në mbledhjen e parë të bordit, është shprehur i sigurt që kjo qeverisje lokale do të jetë shumë e suksesshme.

“Kjo fitore na obligo për një punë më të madhe andaj kërkoj nga secili drejtor që me punë të dinjitetshme ta shpërblejë besimin e qytetarit për ketë qeverisje, pa dallime partiake “, tha nënkryetari Mujka.

Mbledhjet e bordit do të jenë të rregullat dhe secili drejtor do të diskutojë dhe të jap raport javorë për dikasterin që e drejton./arbresh.info/