Kryeministri, Albin Kurti, thotë se Kosova është vendi më demokratik në Ballkanin Perëndimor, por më i izoluari.

“Sot mbushen 4 vjet, që kur Komisioni Evropian konfirmoi për herë të dytë se Kosova i përmbush të gjitha kriteret për liberalizimin e vizave. Ne jemi vendi më demokratik dhe pro-BE në Ballkanin Perëndimor, por më i izoluari. Shpresat e qytetarëve tanë duhet të përmbushen me vendosmërinë dhe solidaritetin e BE-së”, shkruan Kurti në Twitter.

Kosova është i vetmi vend në Ballkanin Perëndimor që nuk gëzon të drejtën e lëvizjes së lirë në zonën Shengen. Shumë zyrtarë të Bashkimit Evropian së fundi janë shprehur optimist se liberalizimi i vizave është shumë afër. Prioritët këtë çështje, e ka prezantuar edhe Çekia, kur mori kryesimin e Këshillit të Bashkimit Evropian, për këta gjashtë muaj./arbresh.info/

Today marks 4 years since @EU_Commission confirmed for 2nd time that Kosova fulfilled all the criteria for visa liberalization. We’re the most democratic & pro-EU country in Western Balkans, yet the most isolated.
Our citizens hopes should be met w/EU decisivness & solidarity. pic.twitter.com/tj1A6Og7Tq

— Albin Kurti (@albinkurti) July 18, 2022