Kryeministri i Kosovës, Ramush Haradinaj në seancën e sotme ka folur edhe për çështjen e demarkacionit duke thënë se kjo temë është e trashëguar nga udhëheqësit shtetëror të kaluar, shkruan arbresh.info.

Ai ka folur edhe për raportin e Komisionit Shtetëror për shënjimin e vijës kufitare me Malin e Zi, duke thënë se nuk duhet të përmendet shuma që ka shpenzuar komisioni.

“Unë se kam marrë flamurin në publik me dal me këtë . Profesor  Shpejtim Bulliqi nuk është palaqo i rrugëve, Zejnullah Gruda nuk është i tillë, e as Florim Isufi. Tani e keni në parlament , vendimi është i juaji, kaq kam të ju them”, ka thënë ai.

Haradinaj, ka pohuar se nëse kjo qeveri do të mbahet mend për diçka, janë pikërisht temat e rëndësishme e që sipas tij asnjëra nuk do të anashkalohet dhe nuk do të mbetet pa u trajtu./arbresh.info/