KRU Prishtina: Reshjet rritën Badovcin për 1.3 metra dhe Batllavën për 1. 4 metra, pritet përmirësim i furnizimit me ujë

10:23 | 21 Nëntor 2025
Gita

Ujësjellësi “KRU Prishtina” ka bërë të ditur se reshjet e shiut kanë ndikuar në rritjen e nivelit të ujit në liqenin e Badovcit dhe Batllavës.

Sipas njoftimit, liqeni i Badovcit ka shënuar rritje të nivelit të ujit për 1. 3 metra, ndërsa liqeni i Batllavës për 1.4 metra, raporton Arbresh.info.

“Si rezultat i reshjeve , niveli i ujit në liqenin e Badovcit është rritur për 1.3 metra, duke shkaktuar turbullira dhe vështirësi në procesin e trajtimit të ujit. Ndërsa në Batllavë 1.4 metra nga niveli që ishte para 48 orëve”, thuhet në njoftim.

Ndërsa sot, sipas “KRU Prishtina”, situata është përmirësuar dukshëm, dhe gjatë ditës pritet normalizimi i furnizimit me ujë në të gjitha zonat e prekura./Arbresh.info/