Kompania Rajonale e Ujësjellësit “Prishtina” ka njoftuar se ka probleme me ujë në disa zona të kryeqytetit.

Sipas njoftimit, kjo po ndodh për shkak të një problemi me një transformator energjetik në Impiantin e Trajtimit të ujit në Badoc, në të cilin janë duke intervenuar nga dje, shkruan Arbresh.info.

“Për shkak të një problemi me një transformator energjetik dje në mbrëmje e që ka zgjatë deri sot në  mëngjes në Impiantin e Trajtimit të ujit në Badoc, ka probleme me ujë në disa zona, me çrast ne kemi sanuar pjesërisht por tash trajtojmë 415l/s dhe po bëjmë përpjekje pas evitimit të defektit të shkojmë me mbi 500l/s.”, thuhet në njoftimin e kompanisë.

KRU “Prishtina” ka theksuar se pasi të rrisim kapacitetin trajtues, sot në orët e vona do të ketë stabilizim të situatës.

“Zonat që kanë mungesë uji: Çagllavica,lagjja Marigona 2, lagjja Qëndresa dhe zonat përreth.”, thuhet tutje në njoftim./Arbresh.info/