Kryesuesja e Komitetit për Punë të Jashtme  në Kuvendin e Kosovës, Vjosa Osmani, thotë se do të mundohen të jenë opozitë sa më aktive në këtë legjislaturë, raporton arbresh.info.

Por, ajo kërkon të dijë nga Nataliya Apostolova, Shefe e Zyrës së BE-së në Kosovë/Përfaqësuese e Posaçme e BE-së , se si është e mundur që një kriter siç ështe luftimi korrupsionit, e për të cilin është thënë se në qeverisjen e Isa Mustafës është gati në përfundim, tani është kthyer mbrapa.

E lidhur më këtë çështje vetë Apostolova është përgjigjur duke thënë se askush nuk ka thënë se kriteri për luftimin e korrupsionit është plotësuar.

“Luftimi i korrupsionit është proces dhe ne po dëshirojmë që këto procese të shkojnë deri në fund”, ka thënë ajo.

Shefi i grupit parlamentar të LDK-së në Kuvendin e Kosovës,  Avdullah Hoti zotohet se edhe pse janë opozitë do t’i mbështesin proceset e rëndësishme për Kosovën.

po vazhdon takimet me shefat e grupeve dhe komisioneve parlamentare, duke takuar  sot përfaqësuesit e LDK-së dhe AAK-së, raporton arbresh.info.

Javën e kaluar ajo ka takuar përfaqësuesit e PDK dhe LVV në Kuvendin e Kosovës, dhe në ditët në vijim do të ketë edhe takime të tjera.

Javën e kaluar ajo pati debate të ashpra me deputetët rreth vonesave në liberalizimin e vizave për qytetarët e Kosovës./arbresh.info/