Kryetari i Partisë Demokratike të Kosovës, Memli Krasniqi, ka shprehur ngushëllimet e tij për familjet e viktimave që humbën jetën tragjikisht në një aksident të rëndë trafiku të mërkurën në mbrëmje në magjistralen Shtime-Ferizaj.

Krasniqi nëpërmjet në postimi në rrjetin social Facebook, ka thënë se lajmi për vdekjen tragjike të katër të rinjve është tejet i dhimbshëm.

“Jashtëzakonisht i dhembshëm lajmi për vdekjen tragjike të katër të rinjve në aksidentin rrugor në aksin Ferizaj – Shtime. Në këto orë të rënda, bashkëndjej me familjarët e viktimave, të cilëve u shpreh ngushëllimet më të sinqerta”, ka shkruar Krasniqi përcjell arbresh.info.

Kujtojmë se sot rreth orës 19:15 një aksident me fatalitet ka ndodhur në rrugën Ferizaj-Shtime ku kanë mbetur të vdekur katër persona.

Ndërsa një çift burrë e grua janë duke u trajtuar në QKUK.

Zëdhënësi i QKUK-së në një përgjigje për arbresh.info ka thënë se gruaja është në gjendje të rëndë shëndetësore ndërsa burri ka pësuar lëndime të lehta trupore.

Lexo edhe:

Katër të vdekur në një aksident rrugor në hyrje të Shtimes

QKUK jep detaje për gjendjen shëndetësore të çiftit të lënduar nga aksidenti në Shtime