Kryetari i PDK-së, Memli Krasniqi, ka reaguar pas publikimit të artikullit skandaloz të Dimal Bashës për UÇK-në.

Ai është arsyetuar lidhur me votimin e Bashës, duke thënë se kanë pasur dy synime: i pari për ta mbajtur zotimin që kishin dhënë, dhe i dyti për ta zhveshur VV-në.

“Shembulli i propozimeve nga Lëvizja Vetëvendosje për Kryetar të Kuvendit e tregon më së miri: Albulena Haxhiu, Donika Schwartz, Hekuran Murati – të tre me qëndrime dhe veprime kundër UÇK-së dhe trashëgimisë së saj. Njëra duke ua zvogëluar fondet e mbrojtjes në Gjykatën e Hagës, tjetra duke pranuar se ka dorëzuar dosje kundër krerëve të UÇK-së, e tjetri duke përjashtuar nga paga minimale kategoritë e luftës çlirimtare dhe duke i fyer luftëtarët e lirisë në krahasimet që ua bënte me mercenarë.”, shkruan Krasniqi./Arbresh.info