Komisioni Qendror i Zgjedhjeve nuk ka pasur çfarë të thotë për deklaratën e LDK-së se KQZ nuk mund të ndërhyjë në procese të zgjedhjeve të subjekteve politike.

Arsyetimi i institucionit që mbikëqyr dhe rregullon funksionimin e partive ka qenë se ‘nuk komenton deklaratat e të tjerëve’, raporton KTV.

Konstatimi i LDK-së pse KQZ nuk mund të ndërhyjë në Kuvendin e saj ka qenë se përbëhet nga përfaqësues të partive politike, ani pse e njëjta përbërje me parti politike ka certifikuar partinë e Isa Mustafës.

E sulmet e partisë së Isa Mustafës që po i bën shoqërisë civile dhe medieve, për Halil Matoshin janë të papritura nga një parti që ka lavdëruar vetën si mbrojtëse e këtyre vlerave. Ka thënë se Mustafa është bërë i njëjtë sikur të gjithë liderët e tjerë autoritarë në Kosovë, transmeton Koha.net.

LDK-ja që zgjodhi Isa Mustafën në mandatin e dytë si kryetar ka thënë të martën se ajo nuk ka lejuar monitorimin e përfaqësuesve të shoqërisë civile, pasi që ata kishin shprehur preferencat kundër Isa Mustafës në garë.