Kryetari i LSDM-së dhe mandatari për formimin e qeverisë së re, Dimitar Kovaçevski, pas mbledhjes së kryesisë së LSDM-së, ka konfirmuar emrat e funksionarëve të rinj të LSDM-së që do të jenë pjesë e qeverisë së re.

Spasovski sërish është propozuar për ministër të Punëve të Brendshme, si dhe Fatmir Bytyqi për zv.kryeministër i Çështjeve Ekonomike.

Më poshtë i keni emrat e LSDM-së që janë propozuar për qeverinë e re:

Zëvendëskryeministër për Luftë kundër Korrupsionit – Sllavica Gërkovska

Zëvendëskryeministër për Çështje Ekonomike – Fatmir Bytyqi

Zëvendëskryeministër për Çështje Evropiane – Bojan Mariçiq

Ministër i Punëve të Brendshme – Oliver Spasovski

Ministër i Transportit dhe Lidhjeve – Blagoja Boçvarski

Ministër për Punë dhe Politikë Sociale – Jovana Trençevska

Ministër i Mbrojtjes – Sllavjanka Petrovska

Ministër i Drejtësisë – Nikolla Tupançevski

Ministër i Kulturës – Bisera Kostadinovska Stojçevska

Ministër i Bujqësisë – Lupço Nikollovski.

Sot kryetari i LSDM-së, Dimitar Kovaçevski, do ta propozojë në Kuvend kabinetin e ri dhe programin qeveritar.

Ndërsa seanca parlamentare për formatin qeveritar dhe programin e saj pritet të mbahet më datën 15-16 kur edhe në ditën e dytë duhet votuar kabineti i ri.

Më 17 janar, Qeveria e udhëhequr nga Dimitar Kovaçevski si kryeministër do të nisë zyrtarisht punën.