“SMATSA nuk posedon informacione që brenda disa ditëve ose javëve do të ndryshojë marrëveshjen në lidhje me ofrimin e shërbimeve të trafikut ajror në rajon”, kanë thënë për ‘Tanjug’ nga kontrolli i fluturimeve të Serbisë dhe Malit të Zi,

Sipas medias në fjalë, kjo deklaratë erdhi pasi u raportua se ministri i Infrastrukturës, Pal Lekaj tha se në janar Kosova do të marr përsipër kontrollin e hapësirës së ulët ajrore, ndërsa ato mbi 7 mijë metra ende do të mbeten në menaxhimin e Hungarisë, transmeton lajmi.net.

Nga SMATSA kanë deklaruar se më shumë se 15 vjet zgjat procesi për të normalizuar rrjedhën e trafikut ajror në rajon, së bashku me institucionet e tjera të Serbisë për të marrë pjesë në këto procese.

“Kosova nuk është anëtare e Organizatës së Aviacionit Civil ICAO e as autoritetet e Prishtinës”, njofton SMATSA duke i rikujtuar Kosovës të mos përdorin rrugët që çojnë nëpër hapësirën ajrore të Serbisë.

SMATSA shton se hapësira ajrore mbi Kosovën funksionon sipas Marrëveshjes Ushtarake Teknike të vitit 1999 e cila u lidh nën autoritetin e komandantit të KFOR-it.