Kosova marrëveshje me Hungarinë për punë fitimprurëse të familjarëve të anëtarëve të misionit diplomatik

09:32 | 19 Prill 2018
Arbresh.info

Ministria e Punëve të Jashtme ka propozuar në mbledhjen e sotmte të Qeverisë të negociohet marrëveshja për punë fitimprurëse të familjarëve të anëtarëve të misionit diplomatik apo konsullor me qeverinë e Hungarisë.

Zevendëskryeministri dhe ministri i Punëve të Jashtme, Behgjet Pacolli tha se kjo marrëveshje është bërë edhe me disa shtete tjera, raporton Arbresh.info.

“Deri me tani janë nënshkruar disa marrëveshje me shtetet e tjera. Marrëveshja në fjalë është e rëndësishme sepse do të lidhet me një shtet mik me të cilin Kosova synon t’i zgjeroj bashkëpunimet”, është shprehur Pacolli.

Sipas tij, kjo nismë është plotësisht në pajtim me Ligjet e Kosovës./Arbresh.info