Shqipëria, u godit nga një tërmet prej 6,3 ballësh në këtë të martë, ku dhjetëra persona mbetën të vdekur e qindra të tjerë të plagosur.

Që nga momenti i tërmetit të tmerrshëm,  po thuajse e gjithë Kosova filloi aksione humanitare për t’i ndihmuar të prekurit nga tërmeti. E një veprim të tillë e bëri edhe ‘’Rotary Club Prishtina Newborn (RCPNB)’’ së bashku me Klubin e PingPongut të Prishtinës’’, të cilët njoftuan që do të organizojnë një aktivitet sportiv të ardhurat e së cilës do të shkojnë për të prekurit nga tërmeti në Shqipëri, transmeton arbresh.info

Ata kanë bërë të ditur se ky aktivitet do të mbahet tek Pallati i Rinisë në Prishtinë me 4 dhjetor duke filluar nga ora 18.00.

Më poshtë mund të shini njoftimin e plotë të bërë në Facebook.

“Rotary Club Prishtina Newborn (RCPNB) në bashkëpunim me Klubin e PingPongut të Prishtinës organizojnë me datën 4 Dhjetor një ngjarje sportive. Ngjarja organizohet në Pallatin e Rinisë, në ora 18:00, dhe pjesëmarrja kushton 5 euro. Mjetet e mbledhura nga kjo ngjarje dedikohen të prekurve nga termeti në Shqipëri. Eja bashkohu edhe ti.”/arbresh.info/