Kryeministri i Kosovës, Isa Mustafa, priti në takim presidenten e Republikës së Maltës, Marie Louise Coleiro Preca, e cila po qëndron për vizitë zyrtare në Kosovë.

Kryeministri Mustafa e njoftoi për progresin në Kosovë dhe përkushtimin e Qeverisë së Kosovës për zhvillimin e gjithanshëm të vendit.

Kryeministri Isa Mustafa theksoi prioritetet e Qeverisë për zhvillim ekonomik, hapje të vendeve të reja të punës, proceset integruese evropiane, si dhe fuqizimin e gjithanshëm të institucioneve demokratike.

Duke e falënderuar për përkrahjen e Maltës për Kosovën, kryeministri Mustafa shprehu përkushtimin e Qeverisë së Kosovës për fuqizimin e marrëdhënieve ndërmjet dy vendeve, posaçërisht në zhvillimin ekonomik dhe fushën e investimeve.

Presidentja e Maltës, Marie Louise Coleiro Preca, vlerësoi progresin e arritur në Kosovë, duke shprehur përkrahjen e Maltës për proceset integruese evropiane.

Presidentja Preca, po ashtu, theksoi vullnetin e shtetit të saj për thellimin e bashkëpunimit me Kosovën.