Ambasadori i SHBA-ve në Kosovë, Philip Kosnett ka thënë se Qeveria e Kosovës duhet të mobilizojë plotësisht burimet e vendit për të menaxhuar krizën.

Kosnett përmes një shkrimi në twitter ka thënë se kontrollimi i virusit është një parakusht për rimëkëmbjen ekonomike, shkruan arbresh.info.

“Në forumin virtual të donatorëve, e theksova që gjersa SHBA është e përkushtuar të ndihmojë Kosovën kundër Covid-it, Qeveria duhet të mobilizojë plotësisht burimet e Kosovës për të menaxhuar krizën. Kontrollimi i virusit është një parakusht për rimëkëmbjen ekonomike”, shkruan Kosnett.

Tutje Kosnett tha se luftimi i Covid-19 është një punë për secilin qytetar.

“Ndërsa qeveria duhet të drejtojë, luftimi i COVID është një punë për çdo qytetar. Populli i Kosovës është i famshëm për energjinë dhe zgjuarsinë e tij. Këto janë armët tuaja sekrete”, tha ambasadori amerikan./arbresh.info