(E plotësuar) Lëvizja FOL ka mbajtur diskutimin në “Forumin FOL Hapur”, dhe të ftuar kishte ambasadorin e Shteteve të Bashkuara të Amerikës në Kosovë, Philip Kosnett.

Gjatë diskutimit ai ka folur edhe për punësimet partiake, raporton arbresh.info.

“Ka njerëz që mbajnë pozita në institucione se kanë familjarë njerëz me ndikim,” është shprehur Kosnett në diskutimin me temë “Avancimi i sistemit të drejtësisë në shërbim të gjithë qytetarëve të Kosovës”.

Ai ka përmendur edhe rolin e medies në promovimin e sundimit të ligjit, përfshirë edhe vetë qytetarët.

“Roli i medies është thelbësor në demokraci, ato duhet të mbrohen nga presionet dhe kërcënimet. Gazetaria e vërtetë nuk nënkupton klikimet, por raportimin e korrupsionit, pabarazisë dhe llogaridhënien”, është shprehur Kosnett. /arbresh.info/

Kosnett: Ngriteni zërin me demonstrata paqësore

25 prill 2019, 10:34

(E plotësuar) Lëvizja FOL po mbanë diskutimin në “Forumin FOL Hapur”, ku i ftuar është ambasadori i Shteteve të Bashkuara të Amerikës në Kosovë, Philip Kosnett.

“Ngriteni zërin me demonstrata paqësore, kërkoni që çdo politikanë të japë llogari për idealet e mishëruara me Kushtetuën e Kosovës,” është shprehur Kosnett, raporton arbresh.info.

Duke cituar Martin Luter King, ambasadori Kosnett shtoi se padrejtësia kudo paraqet kërcënim për drejtësinë.

Këto komente ai i ka bërë në debatin me temën “Avancimi i sistemit të drejtësisë në shërbim të gjithë qytetarëve të Kosovës”, pa pranuar të pyetet për zhvillime të tjera në vend./arbresh.info/

Ambasadori amerikan flet hapur: Kosova po e mahnitë botën

25 prill 2019, 10:19

Lëvizja FOL po mbanë diskutimin në “Forumin FOL Hapur”, ku i ftuar është ambasadori i Shteteve të Bashkuara të Amerikës në Kosovë, Philip Kosnett.

“Besoj se një shoqëri e barabartë është shoqëri më paqësore. Në një shoqëri të drejtë njerëzit e kuptojnë se ka ndarje të drejtë, edhe kur nuk pajtohen me to,” është shprehur Kosnett.

Sipas tij, një shoqëri me trazira është më e pasigurtë për ndërmarrësi dhe vende të reja të punës.

“Kosova po e mahnitë botën si prijëse sa i përket transparencës në prokurimin publik, Kosova ka miratuar Ligjin për sinjalizuesit edhe para Bashkimit Evropian,” është shprehur ambasadori Kosnett.

/arbresh.info/