Komunitetet në Kosovë kërkojnë të përfshihen më shumë në dokumente zyrtare, universitete, e edhe të iu shtohet numri i të punësuarve nëpër ministri.
Këto u diskutuan sot në mbledhjen e rregullt të Këshillit Konsultativ për Komunitete. Në mbledhje para anëtarëve të Këshillit raportuan katër kryesuesit e grupeve punuese të cilët në raportet e tyre i njoftuan anëtarët për aktivitetet e zhvilluara në kuadër të grupeve të tyre punuese ndërmjet dy mbledhjeve të Këshillit.
Këshilli shqyrtoi dhe miratoi rekomandimin e propozuar nga Grupi Punues për Çështje të Gjuhëve. Rekomandimi i dërgohet Ministrisë për Punë të Brendshme dhe adreson mungesën e lëshimit të dokumenteve nga Zyrat e Gjendjes Civile, në komunat në të cilat gjuha turke dhe boshnjake janë gjuhë zyrtare sipas Ligjit për Përdorimin e Gjuhëve.
Në mbledhjen e stome të këshillit Konsultativ për Komunitete u diskutua edhe për numrin e pjesëtarëve të komuniteteve në ministri.
Sipas grupit punues për mirëqenie sociale, në disa ministri qëndron mirë numri i të punësuarve për minoritete, e në disa ka fare pak të punësuar. Ata thanë se planifikojnë të dërgojnë disa rekomandime në ministritë ku nuk ka pjesëtarë të komuniteteve të punësuar.
Gjithashtu në mbledhjen e sotme të Këshillit, anëtarët shqyrtuan dhe miratuan raportin vjetor të punës për vitin 2014
Ndër të tjera, grupi punues i komunitetit turk shprehu pakënaqësinë e tyre, për siç thanë ata, ekzistojnë probleme në financimin e projekteve kulturore për komunitetin turk./aarbresh.info/